Պետք է կիրառել առկա լավագույն տեխնոլոգիաները կամ բնապահպանական լավագույն գործունեության մեթոդաբանությունը` բաց այրումը կանխարգելելու նպատակով

Պետք է կիրառել առկա լավագույն տեխնոլոգիաները կամ բնապահպանական լավագույն գործունեության մեթոդաբանությունը` բաց այրումը կանխարգելելու նպատակով

«Առկա լավագույն տեխնոլոգիայի կամ բնապահպանական իմաստով լավագույն գործունեության մեթոդաբանության կիրառումը` բաց այրման աղբյուրներից կայուն օրգանական աղտոտիչների ոչ կանխամտածված արտանետումների նվազեցման համար» ծրագրի շրջանակներում կայացել է «Կայուն օրգանական աղտոտիչների մասին» Ստոկհոլմի կոնվենցիայի իրականացման վերաբերյալ իրազեկության բարձրացմանն ուղղված սեմինար:
Սեմինարին մասնակցել են շահագրգիռ գերատեսչությունների, տեղական ինքնակառավարման մարմինների, ՀՀ գիտությունների ազգային ակադեմիայի և հասարակական կազմակերպությունների ներկայացուցիչները:
Ծրագիրն իրականացվում է ՀՀ բնապահպանության նախարարության և ՄԱԿ-ի արդյունաբերական զարգացման կազմակերպության (UNIDO) կողմից համատեղ՝ Գլոբալ էկոլոգիական հիմնադրամի ֆինանսական աջակցությամբ և նպատակաուղղված է բաց այրման աղբյուրներից դիօքսինների և ֆուրանների արտանետումների կրճատմանը:
Դիօքսինների վտանգը պայմանավորված է ինչպես դրանց ֆիզիկաքիմիական հատկություններով (կայունություն շրջակա միջավայում, ճարպերում` լավ, ջրում` վատ լուծելիություն, տարբեր էկոլոգիական համակարգերում կուտակվելու հատկությամբ), այնպես էլ չափազանց թունունակությամբ մարդու և կենսոլորտի այլ ներկայացուցիչների համար:
Ի կատարումն 2003 թվականին Հայաստանի Հանրապետության կողմից վավերացված «Կայուն օրգանական աղտոտիչների մասին» Ստոկհոլմի կոնվենցիայի պարտավորությունների, կոնվենցիայի կողմ երկրները պետք է աջակցեն առկա լավագույն տեխնոլոգիայի կամ բնապահպանական իմաստով լավագույն գործունեության մեթոդաբանության կիրառմանը` բաց այրումը կանխարգելելու նպատակով:
Թափոնների բաց այրումն աղբավայրերում կենցաղային աղբի վերացման ամենաէժան, հեշտ և համեմատաբար արագ եղանակ է, սակայն հանդիսանում է շրջակա միջավայրում դիօքսինների արտանետումների աղբյուր:

Սեմինարի ընթացքում ներկայացվել են այն գործողությունները, որոնք իրականացվում են Հայաստանում և նպատակաուղղված են կոնվենցիայով ստանձնած պարտավորությունների կատարմանը՝ տարբեր շահագրգիռ կողմերի մասնակցությամբ:
Կոնվենցիայի ազգային համակարգող, ՀՀ բնապահպանության նախարարության աշխատակազմի վտանգավոր նյութերի և թափոնների քաղաքականության բաժնի պետ Անահիտ Ալեքսանդրյանը ներկայացրել է ՀՀ կառավարության 2016 թվականի դեկտեմբերի 8-ի N49 արձանագրային որոշմամբ հավանության արժանացած Հայաստանի Հանրապետությունում «Կայուն օրգանական աղտոտիչների մասին» Ստոկհոլմի կոնվենցիայի իրականացման գործողությունների ազգային ծրագրի 2016-2020 թվականներին իրականացվելիք միջոցառումների ցանկը:

Շրջաններում և Երևանում անձրև ու ամպրոպ է սպասվում, առանձին վայրերում՝ կարկուտ Բաթումում ուժեղ քամին ծառեր է տապալել և տանիքներ վնասել Արագածի տարածաշրջանում ձյուն է տեղում ԱՄՆ-ում սագը հարձակվել է ոստիկանի վրա Որսի ժամանակ հայտնաբերած քարանձավ մտնելով որսորդը կորցրեց խոսելու ունակությունը (Photo) Ֆլորիդայում վայրի ձին հարձակվել է ալիգատորի վրա (տեսանյութ) Առաջիկա 5 օրվա եղանակի կանխատեսում Արագիլները վերադարձել են Գագիկ Սուրենյանը հորդորում է չբողոքել Զարթոնք. գարնանային Սևանը՝ դրոնի տեսախցիկով Բուսաբանական այգում շուտով կլինեն նաեւ հանգստի, ժամանցի ու զվարճանքի գոտիներ Երեւանում 30 հաստաբուն ծառերի հատման գործով ձերբակալվել է լողավազանի տնօրենը Փլուզում Գնդեվազ համայնքում՝ ոսկու հանքում պայթեցումների պատճառով «Գոշի լիճը էլ չկա» Դավթաշենցիները մեկ տասնյակից ավելի ծառերի ապօրինի հատումը համարում են բարբարոսություն (տեսանյութ)
Եղանակի տեսություն
Օրացույց
Մենք Facebook-ում