Շվեդիայում չմշկորդները եղջերուին փրկել են սառցակալած լճից (լուսանկարներ, տեսանյութ)
Շվեդիայում չմշկորդները փրկել են խեղդվող հյուսիսային եղջերուին, որը սառույցի հաստ շերտերի պատճառով չի կարողացել ինքնուրույն դուրս գալ ջրից:
The Daily Mail-ը հայտնեց, որ չմշկորդները նկատել են սառցակալած լճում խեղդվող եղջերուին և անմիջապես օգնության հասել նրան: Ընդ որում՝ նրանցից մեկը մոտեցել է կենդանուն և սկսել կացնի միջոցով ջարդել նրան շրջապատող սառույցը: Այնուհետև կենդանուն օգնության հասած տղամարդուն միացել է երկրորդ չմշկորդը:
Նրանց խոսքով` ճանապարհ բացելու և կենդանուն սառցե «թակարդից» ազատելու համար իրենց պահանջվել է մոտ 30 րոպե: Եղջերուն այնքան հոգնած է եղել, որ մի պահ դադարել է շարժվել, և տղամարդկանցից մեկը ձողով բրդել է նրան` այսպիսով առաջ գնալու ազդանշան տալով նրան:
Վերջիվերջո, եղջերուին հաջողվել է լողալով դուրս գալ լճից, ինչից հետո նա անհետացել է առափնյա մացառուտների մեջ:
Այս թեմայով
3 միլիոն դոլար կներդրվի վերականգնվող էներգետիկայի ոլորտում
Կրակել են բնապահպան ակտիվիստ Թեհմինե Ենոքյանի տան վրա
EcoNews.am-ի «ԱՆսպառ ռեսուրս» տեսաֆիլմը լավագույն եռյակի մեջ է
«ԱՆսպառ ռեսուրս»․ ֆիլմ ջրի խնայողության անհրաժեշտության մասին
«Խիստ դատապարտում ենք նման վերաբերմունքը կենդանիների նկատմամբ»․ ՇՄՆ-ը՝ սովահար աղվեսի մասին
