Շաքիի ջրվեժը չորացնող ՓՀԷԿ-ի տնօրենը տուգանվեց
ՀՀ բնապահպանության նախարարությունը 200.000 դրամով տուգանել է «Շաքի» ՓՀԷԿ-ը շահագործող «Հակոբջանյան և Գալստյան» ՍՊԸ-ի տնօրենին՝ ջրօգտագործման թույլտվության պահանջների խախտման համար: Ինչպես հայտնում է ՀՀ բնապահպանության նախարարության տեղեկատվության և հասարակայնության հետ կապերի վարչությունը, ուսումնասիրության արդյունքում նախարարությունում սկսվել է ընկերության ջրօգտագործման թույլտվության վերանայման գործընթացը։
Նշենք, որ «Շաքի» ՓՀԷԿ-ի շահագործման արդյունքում չորանում է Շաքիի ջրվեժը, որը գրանցված է ՀՀ բնապահպանության նախարարության բնության պետական հուշարձանների ցանկում: