Հեպարդի վազքը՝ նկարահանված կենդանու մեջքին ամրացված GoPro տեսախցիկով
Ամերիկյան Ցինցինատի քաղաքի կենդանաբանական այգու աշխատակիցները տեսանկարահանել են հեպարդի վազքը մեխանիկական ճագարի հետևից։
Տեսանյութը, որը հայտնվել է այգու պաշտոնական ալիքում և պատկերում է կենդանու կողմից անհավանական արագության զարգացումը, 3 օրում YouTube-ում հավաքել է ավելի քան 70 հազար դիտում։
Վազքը նկարահանելու համար հեպարդի մեջքին ամրացվել էր GoPro տեսախցիկ։ Դանդաղեցված դիտման ժամանակ կարելի է նկատել, որ կենդանու գլուխը վազքի ժամանակ անշարժ է մնում, իսկ մարմինը կողքից կողք է շարժվում։