Բնության ամենաարտասովոր երեւույթները (ֆոտոշարք)

Ֆոսֆորափայլ լույս

sevsianie

Ամռան վերջին աշխարհի բազմաթիվ անտառներում ծառերի խոնավությունից նեխող կեղեւի վրա հայտնվում են սնկեր, որոնք տարօրինակ «անդրաշխարհիկ լույս» են առկայծում: Մթության մեջ լուսավորվող սնկերի մեծ բազմազանություն է աճում հատկապես կլիմայական խոնավ արեւադարձային պայմաններում: Օրինակ անցյալ տարի Բրազիլիայի Սան Պաուլո քաղաքի մոտ հայտնաբերվել են բոլորովին նոր տեսակներ:

Կրակագույն ծիածան

Եվս մեկ ամառային երեւույթ` կրակագույն ծիածան. հայտնվում է, երբ արեւը բարձրադիր փետրավոր ամպերի մեջ իր ճանապարհին հանդիպում է սառույցի բյուրեղների: Քանի որ կրակագույն ծիածանի (գիտականորեն` «մերձհորիզոնական ծիածան») առաջացման համար պահանջվում են արեւի բարձրագույն դիրք եւ փետրավոր ամպեր, այս երեւույթը հաճախ նկատվում է հասարակածին մոտ լայնություններում:

Սադափանման ամպեր

Նրանք, ովքեր ապրում են հասարակածից բավական հեռու, նույնպես կարող են երկնքում տեսնել բազմաթիվ հրաշքներ: Սադափանման ամպերը խիստ հազվադեպ են հանդիպում, որոնք նկատվում են օրվա մութ ժամերին կամ մայրամուտից անմիջապես հետո կամ էլ մինչեւ լույսը բացվելը: Այս գեղեցիկ երեւույթը ժամանակ առ ժամանակ առաջանում է Իսլանդիայում, Ալյասկայում, Հյուսիսային Կանադայում եւ բավական հազվադեպ Անգլիայում:

Ձյունե գլանափաթեթներ

Ձյունե այսպիսի գլանիկները բավականին հազվադեպ հանդիպող երեւույթ են: Որոշակի ջերմաստիճանի եւ քամու դեպքում ձյան «թերթերն» անջատվում են սառույցից եւ սկսում փաթաթվել գլանիկների պես:

Կանաչ ճառագայթ

Հանրահայտ չքացող կանաչ բոցը հազվագյուտ օդերեւութաբանական երեւույթ է, որն առաջանում է արեւածագին կամ մայրամուտին, երբ արեւի ճառագայթները մեր աչքերին հասանելի լինելու համար երկար ճանապարհ են կտրում` անցնելով մթնոլորտի միջով: Այս երեւույթը տեսնելու համար անհրաժեշտ են երեք պայմաններ` բաց հորիզոն, մաքուր օդ եւ ամպերի բացակայություն:

Խաբուսիկ արեւ

Երբ արեւը գտնվում է հորիզոնին շատ մոտ, իսկ օդում թռչում են փոքրիկ սառցե բյուրեղներ, լուսատուի երկու կողմերում կարելի է տեսնել երկու վառ բծեր, որոնք նույնքան վառ են, որքան արեւը:

Երկակի ծիածան

Այն առաջանում է մոտավորապես այնպես, ինչպես սովորական ծիածանը, միայն այն տարբերությամբ, որ արեւն անձրեւի կաթիլներում արտացոլվում է ոչ թե մեկ, այլ երկու անգամ: Այս երեւույթը լավագույնս դիտարկվում է այն ժամանակ, երբ երկինքը դեռեւս մթագնած է անձրեւաբեր ամպերից, քանի որ մոխրագույն ֆոնի վրա ավելի հեշտ է նկատել երկրորդ ծիածանի գունատ գույները:

Գծավոր սառցաբեկոր

Ոչ բոլոր այսբերգներն են միագույն: Նրանցից ոմանք զարդարված են գույնզգույն շերտերով, եւ ոչ միայն Արկտիկային բնորոշ սպիտակ ու կապույտ գույներով: Երբ սառույցը հալվում, ապա նորից սառչում է, նրա մեջ հայտնվում են ցեխի, ջրիմուռների եւ այլ մասնիկների շերտեր, որոնք էլ ստեղծում են տարագույն շերտեր այսբերգի մակերեւույթի երկայնքով:

Հրեշավոր ամպեր

Ամպերի այս տեսակն այնքան հազվադեպ է, որ մինչ 2009 թվականը դրանք ոչ մի դասակարգման մեջ ընդգրկված չէին: Չնայած իրենց չարագուշակ եւ փոթորիկ կանխագուշակող տեսքին, դրանք շատ արագ են ցրվում: Ալիքաձեւ այլ ամպերի նման դրանք եւս ձեւավորվում են, երբ օդի բախվող կամ մրրկային հոսանքները բարձրացնում են դեպի ամպերը` առաջացնելով արտասովոր ձեւեր, որոնք մերթ փոթորկոտ ծով են հիշեցնում, մերթ` երկրի մակերեւույթ:

«Մաքուր Հայաստան» ծրագիր. Մայիսի 27-ին` համապետական շաբաթօրյակ «Ինչպես է բացասական կարծիքը վերածվել դրականի, ես պատկերացում չունեմ». Կարինե Դանիելյանը՝ Ամուլսարի ծրագրի մասին Բնասիրական դիմակահանդես՝ Սիրահարների այգում. սպասվում են անակնկալներ (տեսանյութ) ՀՀ սողանքային աղետի կառավարման պլանն արժանացավ հավանության Ցավոք, մեր հասարակությունը կենդանիների նկատմամբ ունի առարկայական վերաբերմունք. բնապահպան Կարինե Փանոսյան «Անիմալիքս» խորագրով ցուցահանդես՝ Երևանի Կենդանաբանական այգում «Մոնթե Մելքոնյանի» անվան ռազմամարզական վարժարանի տարածքում օձ են բռնել Գյուղացի երեխան այնքան է տեսել սպանվող կենդանի, որ նրա զգացմունքները բթացել են. բնապահպան Քննարկվել է վտանգավոր թափոնների պահեստավորման և կառավարման ազգային կենտրոնի ստեղծման ծրագիրը Երևանում մեկնարկում է «Արևորդի» բնապահպանական փառատոնը Կենդանիների սպանդ պետական մակարդակով. Պատասխանատուն Ազգային Ժողովն է «Նկարվիր ընձառյուծի հետ». նոր բնապահպանական տեղեկատվական արշավ Ինչ է կատարվում «Շիկահող» արգելոցի և «Արցախանտառի» սահմանագլխին Նուբարաշենից մինչև Հրազդան գետ. Ջրերը վարակման վտանգի տակ են Պաշտոնանկ են արվել «Դիլիջան» ազգային պարկի տնօրենի տեղակալները և Բնապահպանական պետական տեսչության Տավուշի տարածքային բաժնի պետը Համաշխարհային Բանկից վերցրած վարկերի մի մասը գրպանվում է, մյուս մասն էլ անտեղի մսխվում. Արուսյակ Այվազյան
Եղանակի տեսություն
Օրացույց
Մենք Facebook-ում